Türk Gençliğine Hitabe transkripsiyon

     

     Muḥterem efendiler ; sizi günlerce işġāl iden , uzun ve teferruᶜātlı beyānātım , eñ nihāyet māżī olmuş bir devriñ ḥikāyesidir.Bunda , milletim içün ve müstaḳbel evlādlarımız içün diḳḳat ve teyaḳḳuẓı daᶜvet idebilecek baᶜżı noḳṭalar tebāruz itdirebilmiş isem , kendimi baḫtiyār ᶜadd idecegim.
     Efendiler ; bu beyānatımla , millī ḥayatı ḫitām bulmuş farż idilen büyük bir milletiñ ; istiḳlālini naṣıl ḳazandıġını ve ᶜilm ve fenniñ eñ ṣoñ esāslarına müstenid , milli ve ᶜasrī bir devleti naṣıl ḳurdıġını ifādeye çalışdım.
     Bugüñ vāṣıl oldıġımız netīce , ᶜasırlardan beri çekilen millī muṣībetleriñ intibāhı ve bu ᶜazīz vaṭanıñ her köşesini ṣulayan ḳanlarıñ bedelidir.
     Bu netīceyi Türk gencligine emānet idiyorum.
     Ey Türk gencligi ! birinci vaẓīfeñ , Türk istiḳlālini , Türk cumhūriyyetini , iliālābed*(aslı Arapça ''ilā'l-ebed  '' ) , muḥāfaẓa ve müdāfᶜa itmekdir.
     Mevcūdīyetiñiñ ve istiḳbāliñiñ yegāne temeli budur.Bu temel , seniñ , eñ ḳıymetli ḫazīneñdir.
     İstiḳbālde daḫi , seni , bu ḫazīneden maḥrūm itmek isteyecek , dāḫilī ve ḫāricī  bedḫvāhlarıñ*( aslı Farsça bed + ḫāh ) olacaḳdır.Birgün , istiḳlāl ve cumhūriyyeti müdāfᶜa mcbūrīyetine düşerseñ , vaẓīfeye atılmaḳ içün , içinde bulunacaġıñ vażᶜiyyetiñ imkān ve şerāᵓiṭini düşünmeyeceksiñ ! Bu imkān ve şerāᵓiṭ , çoḳ nā-müsāᶜid bir māhiyyetde teẓāhür idebilir.İstiḳlāl ve cumhūriyyetiñe ḳaṣd idecek düşmanlar*( aslı Farsça duşmān ) , bütün dünyāda ems̱āli görülmemiş bir ġālibiyyetiñ mümes̱s̱ili olabilirler.Cebren ve ḥīle ile ᶜazīz vaṭanıñ , bütün ḳalᶜaları żabṭ idilmiş , bütün tersanelerine girilmiş , bütün orduları daġıtılmış ve memleketiñ her köşesi bi'l-Fᶜil işġāl idilmiş olabilir.Bütün bu şerāᵓiṭden daha elīm ve daha vaḫīm olmaḳ üzere , memleketin ( ñ )  dāḫilinde iḳtidāra ṣāḥib olanlar ġaflet ve żelālet ve ḥattā ḫıyānet içinde bulunabilirler.Ḥattā bu iḳtidār ṣāḥibleri şaḥṣī menfᶜatlerini , müstevlīleriñ siyāsī emelleriyle tevḥīd idebilirler.Millet , faḳr ü żarūret içinde ḫarāb ve bītāb düşmüş olabilir.
     Ey Türk istiḳbāliniñ evlādı ! İşte , bı aḥvāl ve şerāᵓiṭ içinde daḫi , vaẓīfeñ , Türk istiḳlāl ve cumhūriyyetini ḳurtarmaḳdır ! mḥtāc oldıġıñ ḳudret , damarlarıñdaki aṣīl ḳanda , mevcūddur !